Kamardikan RI kaping 72

Assalamualaikum Wr. Wb.

Sugeng ndalu nyong maturaken marang kowe sadoyo. Apa iki enake nganggo basa Tegalan bae ya? Nyong ngene pan mbahas topik HUT kamardikan RI kaping 72. Wuih, daning wis suwe nemen ya?

Kamardikan Indonesia iki dipengeti saben tanggal 17 Agustus 1945. Kamardikan Indonesia ora copot saka perjuwangane pahlawan nasional Indonesia sing anggone nglawan penjajah ya anjog sing arane ‘ titik darah penghabisan’, wih medeni nemen sih? Saka abad ke-16 anjog abad ke-20 Indonesia ora mandeg-mandeg dijajah terus-terusan khususe bangsa Eropa, sing gonta-ganti njajah Indonesia, lan pungkasane dijajah bangsa Jepang. Indonesia asline negarane makmur, wilayahe subur, kena ditandur sayur, lan anggone rempah rempah sing terkenal anjog luar negeri. Gara-gara rempah iki, akeh bangsa liya sing kepengin njajah Indonesia mung kanggo njukuti rempah-rempahe tok, wis. Dadine Indonesia sing pas kuwi pendidikane durung maju, ya gampang nemen anggone penjajah njajahi tanah Indonesia. Mula saka pertama Indonesia wis sregep nganakake perlawanan sing bangsane nyerang VOC, benteng-benteng Belanda (khususe), lan perang gerilya. Namung usaha kuwe sia-sia wae amarga pas kuwe durung ana rasa persatuan lan kesatuan.

Ora krasa Indonesia wis dijajah udakara 350 taun, suwe nemen. Iku amarga wong Indonesia gampangane esih padha goblok-goblok, ora ngerti carane sing pas anggone pan mbebasna awake dewek saka penjajah. Indonesia mbene mulai ngetokake pahlawan sing nginspirasi bangsa udakara abad ke 19-20 kayata Pangeran Diponegoro, Pattimura, Cut Nyak Dien, R.A Kartini, Ir. Soekarno, Drs. Moh Hatta, lan liya-liyane. Dadine pas kuwe Indonesia sing wis ngenteni sasuwene 350 taun bisa kelakon mardika saka penjajah. Wiwit saka taun 1945, Indonesia wis mardika, dewek mung kari nikmati kasile sawentara pahlawan ora bisa amarga wis ngorbanna awake kanggo Indonesia. Dadi, apa usaha sing dewek kudu lakokake kanggo ngisi lan njaga kamardikan?

Saiki wis akeh generasi muda Indonesia sing rusak akhlake lan fisike amarga kelebon budaya asing sing ora ndidik. Budaya Indonesia wis luntur saka awake generasi muda lan luwih seneng nganggo budaya barat. Akeh bocah sing kena kasus narkoba, lan akehe bocah ora seneng nganggo produk Indonesia. Apa kaya kuwe wujud penghargaan kanggo pahlawan sing wis ngorbanna jiwa lan ragane kanggo kamardikane dewek?

Dewek ya kudu mawas dhiri, introspeksi, apa ana sing salah ing awake dewek. Angger dewek esih males anggone ngisi lan njaga kamardikane Indonesia, wis lah, Indonesia mung kari aran tok. Mangkane sedurunge telat, dewek kudu ngembangna sikap cinta tanah air lan patriotisme Indonesia. 

Dewek kudu njujung duwur rasa persatuan lan kesatuan eben bangsane dewek ora bisa dipecah lan dijajah maning. Dewek kudu ngembangake sifat berbangsa lan bernegara eben Negara Indonesia iki kuat, dadine laka sing bisa ngancurna Indonesia salawase. Mulai saka saiki, durung telat. Dewek esih bisa mwujudna cita-citane dewek lan belajar seduwur mungkin. Yuh, dadi generasi Indonesia sing ana gunane kanggo nusa, bangsa, lan Negara!

Cekap semono wae, angger ana kesalahan njaluk ngapurane.

Wassalamualaikum Wr. Wb.